اسلام آباد ( اے بی این نیوز )اسلام آباد ٹریفک پولیس نے 23 مارچ یوم پاکستان کے موقع پر ہیوی ٹریفک کے لیے روٹ پلان ترتیب دے دیا ہے۔
ٹریفک پولیس کے مطابق 23 مارچ کو مختلف اوقات میں ٹریفک ڈائیورشن پلان نافذ کیا جائے گا۔ 22 مارچ 2025 دوپہر 12 بجے سے لے کر 23 مارچ 2025 سہ پہر 3 بجے تک ہر قسم کی ہیوی ٹریفک کے لیے اسلام آباد میں داخلہ بند کر دیا جائے گا۔
23 مارچ کے روٹ پلان کے مطابق:
صبح 6 بجے سے 1 بجے تک سری نگر ہائی وے، سیونتھ ایونیو سے لے کر کوڑیانوالہ چوک تک جانے والی ٹریفک بند ہو گی۔
بہارہ کہو جانے والی ٹریفک سیونتھ ایونیو سے پاک چائنا روڈ، راول ڈیم چوک، کشمیر چوک، اور کلب روڈ استعمال کرے۔
ٹریفک پولیس کے مطابق، سری نگر ہائی وے اور ایکسپریس وے پر ٹریفک کا دباؤ بڑھ جائے گا۔
ہیوی ٹریفک کے لیے متبادل راستے:
پشاور سے لاہور جانیوالی ہیوی ٹریفک ٹیکسلا موٹروے اور ترنول پھاٹک سے فتح جنگ موٹر وے استعمال کرے گی۔
لاہور سے اسلام آباد اور راولپنڈی جانیوالی ہیوی ٹریفک چک بیلی روڈ سے چکری موٹروے استعمال کرے گی۔
پشاور سے روات جانے والے شہری ٹیکسلا موٹروے، چکری، چک بیلی روڈ اور روات کا استعمال کریں۔
سی ٹی او کیپٹن ذیشان نے کہا کہ شہریوں کی رہنمائی کے لیے اسلام آباد ٹریفک پولیس مختلف مقامات پر موجود رہے گی۔ شہری کسی بھی پریشانی یا رہنمائی کے لیے ٹریفک ہیلپ لائن 1915 پر رابطہ کر سکتے ہیں۔
