اسلام آباد ( اے بی این نیوز )سابق ایم پی اے کی طرف سے اپنے ڈرائیور پر تشدد کرنے کا ایک نیا واقعہ سامنے آیا ہے۔ پولیس نے فوری طور پر کارروائی کرتے ہوئے ملزم کے گن مین رب نواز کو گرفتار کر لیا ہے، جبکہ سابق ایم پی اے کی گرفتاری کے لیے چھاپے مارے جا رہے ہیں۔
ڈی آئی جی آپریشنز کے مطابق، واقعے کا مقدمہ درج کر لیا گیا ہے اور مزید قانونی کارروائی جاری ہے۔ فیصل کامران نے بتایا کہ سابق ایم پی اے نے معمولی بات پر اپنے ڈرائیور فاروق کو تشدد کا نشانہ بنایا۔
انہوں نے مزید کہا کہ جیسے ہی پولیس کو واقعے کی ویڈیو موصول ہوئی، فوراً ایکشن لیا گیا اور کارروائی کا آغاز کیا گیا۔ ڈی آئی جی آپریشنز فیصل کامران نے یہ بھی واضح کیا کہ قانون ہاتھ میں لینے والے افراد، چاہے وہ کتنے ہی طاقتور ہوں، قانون کی گرفت سے بچ نہیں سکتے۔
