اسلام آباد ( اے بی این نیوز )وفاقی کابینہ اراکین کی تنخواہوں اور الاؤنس میں اضافے کا منظوری دیدی گئی۔ وفاقی وزیروں اور وزرائے مملکت اور مشیروں کی تنخواہوں میں 188 فیصد تک اضافہ منظور۔ وفاقی وزراء نے اپنی اور وزرائے مملکت کی تنخواہوں میں اضافے کی سمری منظور کرلی ۔
وفاقی وزراء اور وزرائے مملکت کے الاؤنس اور تنخواہوں کے ایکٹ 1975 میں ترمیم منظور کی گئی۔ نئے بل کی منظوری کے بعد وفاقی وزیر، وزیر مملکت اور مشیر کی تنخواہ 5 لاکھ 19 ہزار ہوگی ۔ اس سے پہلے وفاقی وزیر کی تنخواہ 2 لاکھ اور وزیر مملکت کی 1 لاکھ 80 ہزار تھی ۔
وفاقی وزیر کی تنخواہ میں 159 فیصد اضافہ منظور۔ وزیر مملکت اور مشیر برائے وزیراعظم کی تنخواہوں میں بھی اضافہ کیا گیا۔ 188 فیصد تک اضافہ منظور کیا گیا۔ وفاقی کابینہ نے سرکولیشن کے زریعے سمری کی منظوری دے دی ۔ ترمیم 1975 کے ایکٹ کی مختلف شقوں میں کی گئ۔
وزراء کے الاؤنس، گاڑی، دفتر وغیرہ تنخواہوں کے علاؤہ ہے۔ ترمیم کے بعد وزراء کی تنخواہوں میں خاطر خواہ اضافہ متوقع۔ کابینہ کے چار فروری کے اجلاس سے مذکورہ سمری کو آخری وقت میں ایجنڈے سے نکال دیا گیا تھا۔ کابینہ ایجنڈے سے سمری کو نکالنے کا مقصد عوامی اور میڈیا تنقید سے بچنا تھا۔
مزید پڑھیں :سوشل میڈیاہماری طاقت ہے،26ویں آئینی ترمیم کےبعدعدلیہ کوختم کردگیاگیا،فیصل چودھری
