اسلام آباد( اے بی این نیوز )الیکشن کمیشن آف پاکستان (ای سی پی) میں اعلیٰ سطح پر تبادلے کیے گئے، جس کے بعد چاروں صوبائی الیکشن کمشنرز کو تبدیل کر دیا گیا۔
تفصیلات کے مطابق الیکشن کمیشن میں اعلیٰ سطح پر تبادلے کیے گئے، شریف اللہ کو صوبائی الیکشن کمشنر پنجاب تعینات کر دیا گیا، شریف اللہ اس سے قبل صوبائی الیکشن کمشنر سندھ کے فرائض سرانجام دے رہے تھے۔
صوبائی الیکشن کمشنر بلوچستان محمد فرید آفریدی کو جوائنٹ صوبائی الیکشن کمشنر پشاور جبکہ صوبائی الیکشن کمشنر پنجاب اعجاز انور چوہان کو صوبائی الیکشن کمشنر سندھ تعینات کر دیا گیا۔
اس کے علاوہ ایڈیشنل ڈائریکٹر جنرل الیکشن کمیشن علی اصغر سیال کو صوبائی الیکشن کمشنر بلوچستان جبکہ جوائنٹ صوبائی الیکشن کمشنر علیم شہاب کو ایڈیشنل ڈی جی الیکشن کمیشن تعینات کر دیا گیا۔
مزید پڑھیں :سوشل میڈیا پر منفی پروپیگنڈا مہم، پی ٹی آئی کے ملوث ہونے کے ہوشربا انکشافات
