راولپنڈی( اے بی این نیوز )راولپنڈی اور اسلام آباد بڑی تباہی سے بچ گیا ، دو انتہائی خطرناک دہشت گرد گرفتار کر لئے گئے۔ ترجمان سی ٹی ڈی پنجاب کے مطابق
مغل مارکیٹ کے قریب سی ٹی ڈی نے بڑی کاروائی کی۔
تھانہ آئی نائن پر حملے میں ملوث فتنہ الخوارج کے دو انتہائی خطرناک دہشت گرد حمزہ اور رومان گرفتارکر لئے گئے۔ دہشت گردوں کی گرفتاری کے لیے انٹیلی جنس بیسڈ کارروائی کی۔ دہشت گرد راولپنڈی اور اسلام اباد میں احساس مقامات پر دہشت گردی کے لیے ریکی مکمل کر چکے تھے ۔
دہشت گرد افغانستان میں فتنہ الخوارج کے اہم کمانڈر کے ساتھ رابطے میں تھے ۔ دہشت گردوں سے دستی بم ۔ بھاری مقدار میں بارودی مواد ڈیٹونیٹر سیفٹی فیوز وائر اور دیگر سامان برآمد۔
سی ٹی ڈی نے دہشت گردوں کے خلاف مقدمہ درج کر کے مزید تفتیش شروع کر دی ہے ۔ دہشت گردوں نے ابتدائی تفتیش میں بتایا ہے کہ چند ماہ قبل تھانہ ائی نائن پر ہینڈ گرنیڈ سے حملہ بھی انہوں نے کیا تھا ۔
مزید پڑھیں :سوشل میڈیا پر منفی پروپیگنڈا مہم، پی ٹی آئی کے ملوث ہونے کے ہوشربا انکشافات
