اسلام آباد ( اے بی این نیوز )عمران خان کو کمیٹی اجلاس کا بتایا تو انہیں اسکا علم نہ تھا۔ عمران خان نے کہا میری اجازت کے بغیر تحریک انصاف اجلاس میں شرکت نہیں کرسکتی۔ علیمہ خان نے اڈیالہ جیل کے باہر میڈیا ٹاک کرتے ہو ئے کہا کہ مینوئیل کے مطابق بشریٰ بی بی اور عمران خان کو آدھا آدھا گھنٹہ فیملیز اور پھر آپس میں ملاقات کرنی چاہیئے ۔
یہ مجموعی طور پر ڈیڑھ گھنٹہ کی ملاقات بنتی ہے لیکن کرائی 30منٹ جاتی ہے ۔ ہم نے احتجاجا آج ملاقات 45منٹ تک کی۔ عمران خان نے بتایا کہ انھیں اخبار نہیں مل رہی اور ٹی وی بھی بند ہے وہ بے خبر تھے۔
ہم نے انہیں اے پی سی کے بارے میں بتایا،بولے اسی لئے میرا اخبار اور ٹی وی بند کیا گیا ۔ عمران خان نے کہا میری اجازت بغیر پارٹی والے اس اے پی سی میں شرکت نہیں کر سکتے۔
بچوں سے بھی انکی فون پر بات نہیں کروائی گئی،نہ انکے ذاتی معالج سے انکا طبی معائنہ کروایا گیا۔
عدالت سے اجازت لے رکھی ہے کہ ڈاکٹر ثمینہ نیازی سے بانی کے دانتوں کا طبی معائنہ کروایا جائے۔ یہ ہر طریقے سے تنگ کر رہے ہیں۔ مشرف نے جب نواز شریف کو جیل میں ڈالا تو کلثوم نواز کو جیل میں نہیں ڈالا تھا۔ لیکن بانی کے ساتھ اہلیہ کو جیل میں رکھا تاکہ ان پر دباؤ پر سکے۔
میں ملکی کی یونٹی،آزدی،قانون کی حکمرانی اور ظلم کے خلاف کھڑا ہوں ۔ اگر یہ ان چیزوں کے لئے مجھے میں رکھیں گے تو میں تیار ہوں۔ اگر یہ سمجھتے ہیں انکے ان حربوں سے میں ٹوٹ جاؤں گا تو یہ انکے غلط فہمی ہے ۔ یہ جو مرضی کرلیں میں اپنے اصول سے نہیں ہٹوں گا ۔
انھوں نےکیسسز التواء میں رکھے گئے،ملاقاتوں پر پابندی لگا رہے ہیں۔ اس وقت پاکستان میں کوئی قانون کام نہیں کر رہا ہے ۔ کس کی مرضی چل رہی ہے یہ اپکو اور ہمیں پتہ ہے ۔ سب کو پتہ ہے پاکستان بدل چکا ہے،ہم مضبوط کھڑے ہیں۔
ہم کبھی اللہ سے ناماید نہیں ہوئے،پاکستانیوں کو ملک اور اسکی سالمیت کے دعا کرنی چاہیئے۔ بانی نے کہا کہ پارٹی میری اجازت سے قومی سلامتی کمیٹی میں جائے گی ۔ گراف نکال کر دیکھیں سب سے دہشتگردی 2021تک کم ہو گئی تھی اور 2022میں پھر بڑھنا شروع ہوئی۔
بانی نے کہا افغانستان ہمارا دشمن نہیں ہے آپ اسے دشمن بنانے کی کوشش نہ کریں ۔ آپ کیوں بلاوجہ مسلمان بھائیوں سے لڑائی مول لے رہے ہیں۔
مزید پڑھیں :عمران خان نے قومی سلامتی کی پارلیمانی کمیٹی کےاجلاس کی میٹنگ میں شرکت نہ کرنےکی تائید کر دی
