پشاور ( اے بی این نیوز )خیبر پختونخوا کی عدالت میں پیکا ایکٹ 2025 کو چیلنج کیا گیا ہے۔ پشاور ہائی کورٹ میں یہ درخواست صحافی انیل مسیح نے دائر کی۔
درخواست میں کہا گیا ہے کہ پیکا ایکٹ 2025 کو آئین کے خلاف قرار دیا جائے کیونکہ حالیہ ترامیم آزادی اظہار، پرائیویسی اور قانونی اصولوں پر سنگین قدغن لگاتی ہیں۔
درخواست میں یہ بھی کہا گیا کہ پیکا ایکٹ 2025 نہ صرف پاکستان کے آئین کی خلاف ورزی ہے بلکہ یہ بین الاقوامی انسانی حقوق کے معیار کے بھی منافی ہے۔ اس درخواست میں مختلف سرکاری اداروں کو فریق بنایا گیا ہے۔
