اسلام آباد ( اے بی این نیوز )سپریم کورٹ رولز 1980 میں ترمیم کا مسودہ تیار،اعلامیہ جاری ۔ چیف جسٹس کی ہدایت پر سپریم کورٹ رولز 1980 کے جائزے کے لیے چار رکنی کمیٹی تشکیل دی گئی تھی، جاری اعلامیہ کے مطابق
سپریم کورٹ کے رولز میں ڈیجیٹلائزیشن اور خودکار نظام متعارف کرانے کی سفارش کی گئی۔ عدالتی امور میں بہتری کے لیے بار کونسلز اور ججز سے تجاویز طلب کی گئیں۔ مسودہ چیف جسٹس اور سپریم کورٹ کے ججز کو مزید غور و خوض کے لیے پیش کر دیا گیا۔
رولز میں ترمیم کیلئے بنائے گئی کمیٹی کی سربراہی جسٹس شاہد وحید کر رہے تھے ۔ کمیٹی میں جسٹس عرفان سعادت، جسٹس نعیم افغان اور جسٹس عقیل عباسی شامل تھے۔ مسودہ مطابق سپریم کورٹ میں مقدمات کے انتظام کو ڈیجیٹل پلیٹ فارمز کے ذریعے بہتر بنایا جائے گا۔
عدالتی کارروائیوں میں غیر ضروری تاخیر ختم کرنے کے لیے خودکار نظام متعارف کرانے کی تجویز۔ مسودے کی منظوری کے بعد سپریم کورٹ رولز 2025 کو حتمی شکل دی جائے گی۔ انصاف کی فوری اور شفاف فراہمی کے لیے سپریم کورٹ میں نئے اصلاحات متعارف کروائی جائیں گی۔
مزید پڑھیں :
