اسلام آباد (اے بی این نیوز ) حکومت کا بڑا فیصلہ، اعلیٰ حکام کسی بھی ملک سے تحائف قبول نہیں کریں گے۔وفاقی حکومت نے فیصلہ کیا ہے کہ کسی بھی ملک کے اعلیٰ حکام کے لیے تحائف قبول نہیں کیے جائیں گے۔وفاقی وزیر دفاع خواجہ آصف کی سربراہی میں قائم کمیٹی نے توشہ خانہ کے حوالے سے نئی سفارشات تیار کر لی ہیں جن کے مطابق غیر ملکی دوروں کے دوران سرکاری افسران پر تحائف لینے پر پابندی ہوگی۔ وفاقی حکومت اس حوالے سے توشہ خانہ قوانین میں تبدیلی کرے گی۔
اس حوالے سے خواجہ آصف کا کہنا ہے کہ جلد ہی غیر ملکی دوروں کے دوران تحائف لینے پر پابندی عائد کر دی جائے گی۔ حکومت نے یہ فیصلہ تنازعات سے بچنے کے لیے کیا ہے۔انہوں نے کہا کہ وزیراعظم کی منظوری کے بعد تمام ممالک سے سرکاری اہلکاروں پر تحائف قبول کرنے پر باقاعدہ پابندی عائد کر دی جائے گی۔ دوست ممالک سے بھی درخواست کی جائے گی کہ وہ سرکاری سطح پر تحائف نہ دیں۔خواجہ آصف نے کہا کہ بانس نہیں رہے گا، بانسری نہیں ہوگی، تحفے نہیں ملے گا، کوئی جھگڑا نہیں ہوگا۔
