اسلام آباد( اے بی این نیوز    )ملکی برآمدات کو بڑا دھچکا، جنوری کی نسبت 17.35 فیصد کی بڑی کمی ریکارڈ ۔ ادارہ شماریات کےت مطابق فروری میں سالانہ بنیادوں پر بھی برآمدات میں 5.57 فیصد کمی ہوگئی۔
فروری میں مجموعی برآمدات کا حجم 2 ارب 43 کروڑ 90 لاکھ ڈالر رہا۔ جنوری میں ملکی مجموعی برآمدات 2 ارب 95 کروڑ 10 لاکھ ڈالر تھیں۔ گزشتہ سال فروری میں برآمدات کا حجم 2 کروڑ 58 لاکھ 30 ہزار ڈالر تھا۔
رواں مالی سال کے پہلے 8 ماہ میں برآمدات میں 8.17 فیصد اضافہ رہا۔ جولائی تا فروری مجموعی برآمدات کا حجم 22 ارب ڈالر سے زائد رہا۔ فروری میں ملکی درآمدات میں سالانہ بنیادوں پر 10.03 فیصد کی کمی ریکارڈ۔
جنوری میں درآمدات کا حجم 4 ارب 73 کروڑ 80 لاکھ ڈالر ریکارڈکیا گیا۔ رواں مالی سال کے پہلے 8 ماہ میں درآمدات میں 7.40 فیصد اضافہ ریکارڈہوا۔ جولائی تا فروری مجموعی درآمدات کا حجم 37 ارب 80 کروڑ ڈالر رہا۔
فروری میں تجارتی خسارے میں 33.43 فیصد کا بڑا اضافہ ریکارڈ۔ فروری کے دوران تجارتی خسارہ بڑھ کر 2 ارب 30 کروڑ ہوگیا۔ رواں مالی سال کے پہلے 8 ماہ کے دوران تجارتی خسارے میں 6.33 فیصد اضافہ ریکارڈ۔ جولائی تا فروری تجارتی خسارہ بڑھ کر 15 ارب 78 کروڑ ڈالر ہو گیا۔

مزید پڑھیں :جرمنی، ڈرائیور نے گاڑی راہ گیروں پرچڑھادی، 3افراد ہلاک،25زخمی