کراچی (اے بی این نیوز )مصطفیٰ عامر قتل کیس ،انکشافات پر انکشافات کا سلسلہ جاری ہے۔ نیو ائیر نائٹ پارٹی کے عینی شاہد کے مطابق میں ارمغان کو 2016 سے جانتا ہوں۔ ارمغان میرا بہت اچھا دوست تھا۔
ارمغان اپنے پیسوں سے سب دوستوں کو نشہ کراتا تھا۔ نیو ائیر پارٹی پر مصطفی کو بہت بلایا لیکن وہ نہیں آیا۔ مصطفی نے نیو ائیر پارٹی ہاکس بے پر کی۔ نیو ائیر پارٹی میں شیراز بھی موجود تھا۔ مصطفی نے بتایا کہ ارمغان مجھے گھر بلاتا ہے لیکن میں نہیں جاؤں گا۔
مصطفی اور ارمغان کی لڑائی دو ڈھائی لاکھ روپے کی وجہ سے بڑھ گئی۔ مصطفی نے ارمغان سے جو چیز ارمغان پیتا تھا اس کے پیسے لینے تھے۔ارمغان پیسے نہیں دے رہا تھا جو مصطفی نے بہانے سے لے لئے تھے۔
مصطفی ارمغان کے گھر کیوں گیا مجھے نہیں پتا۔جنگل بوائے نامی ویڈ استعمال کرتے تھے، مصطفی کہاں سے منگواتا تھا نہیں پتا۔ ویڈ کی پیکنگ کو اسکریچ کریں تو پن لوکیشن پتا چل جاتی تھی کہ پیکٹ کس مقام پر کھولا گیا۔
مصطفی جو مال ارمغان کو بیچتا وہیں بیٹھ کے خود بھی پیتا تھا۔ ارمغان کے پاس 30 سے 35 گارڈز تھے، دن رات کے الگ الگ 8-10 باؤنسرز تھے۔ باؤنسرز ارمغان کے گھر میں ہمارے سر پر کھڑے رہتے تھے۔
کوئی ویڈیو بنانے کی کوشش کرتا تو باؤنسرز روک دیتے تھے۔ ارمغان کے شارع فیصل اور ڈیفنس فیز 8 میں بھی آفس تھے۔ ارمغان نے دیگر آفس،شیر کے بچے، گارڈز اور باؤنسرز 4 سے 5 مہینے پہلے ختم کر دیئے تھے۔ میری مصطفی سے آخری ملاقات عثام سواتی کی میت میں ہوئی۔ ارمغان سے آخری مرتبہ ڈیڑھ دو مہینے پہلے ملا تھا۔
مزید پڑھیں :شاہ محمود قریشی سمیت دیگر پر دوبارہ فرد جرم عائد کر دی گئی،ملزمان کا صحت جرم سے انکار
