راولپنڈی(اے بی این نیوز) سکیورٹی فورسز نے شمالی وزیرستان میں آپریشن کے دوران 6 خوارج کو ہلاک کردیا۔پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے انٹیلی جنس اور خوارج کی موجودگی کی اطلاع کی بنیاد پر غلام خان کلے کے علاقے میں آپریشن کیا۔
پاک فوج کے ترجمان کا کہنا تھا کہ آپریشن کے دوران چھ خوارج مارے گئے، دہشت گردوں کے قبضے سے اسلحہ اور گولہ بارود بھی برآمد ہوا ہے۔ ہلاک ہونے والے خوارج سیکیورٹی فورسز کے خلاف متعدد کارروائیوں اور بے گناہ شہریوں کے قتل میں بھی ملوث تھے۔
آئی ایس پی آر کے مطابق علاقے میں پائے جانے والے دیگر خوارج کے خاتمے کے لیے سینیٹائزیشن آپریشن جاری ہے۔ پاکستان کی سیکیورٹی فورسز ملک سے دہشت گردی کی لعنت کے خاتمے کے لیے پرعزم ہیں۔
مزید پڑھیں: رمضان المبارک کے دوران سرکاری دفاتر کے نئے اوقات کار جاری
