اسلام آباد( اے بی این نیوز)وفاقی حکومت نے رمضان المبارک میں سرکاری دفاتر کے اوقات کار تبدیل کر دیے ہیں۔سرکاری دفاتر میں ڈیوٹی کے اوقات کار کو دو حصوں میں تقسیم کیا گیا ہے، دفاتر میں اوقات کار پیر سے جمعرات تک صبح 9 سے دن 3 بجے مقرر کئے گئے ہیں۔
سرکا ری دفاتر میں جمعہ کوصبح 9 سے ساڑھے 12 بجے تک کام ہو گا، 6 دن کام کرنے والے سرکاری دفاترمیں بھی جمعہ کو صبح 9 سے ساڑھے 12 بجے تک کام ہوگا۔ہفتے میں 6 دن کام کرنے والے سرکا ری دفاتر میں اوقات کار پیر سے جمعرات تک صبح نو بجے سے دن دو بجے تک مقرر کئے گئے ہیں۔
دریں اثناء پنجاب حکومت نے رمضان المبارک کے دوران سرکاری دفاتر کے اوقات کار جاری کر دیئے۔چیف سیکرٹری پنجاب نے اوقات کار سے متعلق نوٹیفکیشن جاری کر دیا ہے جس کے مطابق ہفتے میں پانچ دن کام کرنے والے دفاتر کے اوقات کار پیر سے جمعرات صبح 9 بجے سے دوپہر 3 بجے تک ہوں گے۔
نوٹیفکیشن کے مطابق ہفتے میں چھ دن کام کرنے والے دفاتر کے اوقات کار صبح 9 بجے سے دوپہر 2 بجے تک ہوں گے اور جمعہ کو اوقات کار صبح 9 بجے سے دوپہر 12:30 بجے تک ہوں گے۔
مزید پڑھیں: حکومت کا پیٹرولیم مصنوعات کی قیمتوں میں کمی کا اعلان
