اسلام آباد ( اے بی این نیوز ) عوام پٹرول بم کیلئے تیار رہے۔ رمضان المبارک سے پہلے امکانات موجود ہیں کہ پٹرولیم مصنوعات کی قیمتوں میں اضافہ ممکن ہے۔ ذرائع کے مطابق یکم مارچ سے عوم پر پٹرول بم گرا دیا جا ئیگا۔ مزید معلوم ہوا ہے کہ یکم مارچ سے پٹرول کی قیمت میں 4 روپے 05 پیسے اضافے کا امکان ہے۔
جب کی بین الاقومی سطح پر دیکھا جائے تو ڈیزل کی قیمت میں زیادی ردو بدل نہیں نظر آرہا۔ یہ دیکھنے میں آیا ہے کہ بین الاقوامی سطح پر تیل کی قیمتوں میں اضافے کی وجہ سے پاکستان میں بھی پٹرولیم مصنوعات مہنگی ہو نے جا رہی ہیں۔
واضح رہے کہ آل پاکستان پیٹرولیم ڈیلرز ایسوسی ایشن نے 4 مارچ کو ملک بھر کے پیٹرول پمپس بند رکھنے کا اعلان کردیا۔ان کا کہنا تھا کہ ڈی ریگولیشن پالیسی کے حوالے سے وفاقی وزیر مصدق ملک سے اہم ملاقات ہوگی، مشاورت نہ ہونے پر تحفظات کا اظہار کیا جائے گا۔ اگر ان کے تحفظات کو دور نہ کیا گیا تو 4 مارچ سے پٹرول پمپ غیر معینہ مدت کے لیے بند رہیں گے۔
سینٹرل ایگزیکٹو کمیٹی کے رہنما رضا عباس نے کہا کہ وہ ڈی ریگولیشن پالیسی کی کامیابی کے لیے مصدق ملک کا ساتھ دینے کو تیار ہیں تاہم مشاورت کی ضرورت پر زور دیا۔ انہوں نے زور دیا کہ ڈی ریگولیشن کو ایندھن کی قیمتوں سے آگے پورے تیل کے شعبے تک بڑھایا جانا چاہیے۔
انہوں نے یہ بھی واضح کیا کہ ان کا پاکستان پیٹرولیم ڈیلرز ایسوسی ایشن کے چیئرمین عبدالسمیع خان سے کوئی تعلق نہیں، انہوں نے مزید کہا کہ ان کی ایسوسی ایشن وزارت تجارت میں رجسٹرڈ ہے، جب کہ دعویٰ کیا کہ پاکستان پیٹرولیم ڈیلرز ایسوسی ایشن کی رجسٹریشن منسوخ کردی گئی ہے۔
مزید پڑھیں :تمام اپوزیشن جماعتوں کواحتجاج میں شرکت کی دعوت دی ہے،نعیم حیدرپنجوتھہ
