اسلام آباد (اے بی این نیوز )غیر ملکی ٹیم کی آمدورفت کے باعث مورخہ 26 فروری 12:30 بجے دن سے 3:00 بجے دن تک مختلف اوقات میں سری نگر ہائی وے، کلب روڈ ، مری روڈ ،فیض آباد ، جناح ایونیو ، 9th ایونیو اور ایکسپریس ہائی وے پر روٹ لگایا جائے گا۔روٹ کے باعث سری نگر ہائی وے اور ایکسپریس ہائی وے پر ٹریفک تعطل اور سست روی کا شکار رہے گی۔
اسلام آباد ٹریفک پولیس کے مطابق شہری دوران روٹ اسلام آباد میں سفر کے لیئے مختلف انڈر پاسز اور سری نگر ہائی وے سے منسلک سروس روڈ کا استعمال کریں۔ کسی بھی سفری دشواری سے بچنے کے شہری 20 منٹ کا دورانیہ رکھ کر سفر کریں۔
ایکسپریس ہائی وے سے آنے والی ٹریفک کھنہ پل، پارک روڈ کا استعمال کریں۔ روٹ کے دوران اسلام چوک اور آئی جے پی روڈ کھلے رہے گے۔ بی 17، بی15 سے بلیو ایریا یا ایف سکس، ایف سیون آنے والی ٹریفک مارگلہ روڈ استعمال کرسکتی ہے۔
ایچ 13, جی 13/14 سے بلیو ایریا والی ٹریفک جی 13 انڈر پاس استعمال کرتے ہوئے سری نگر ہائی وے سے منسلک سروس روڈ کا استعمال کریں۔ بلیو ایریا، ایف سکس، ایف سیون کی جانب سفر کے لیئے نائتھ ایونیو اور ایچ ایٹ انڈر پاس کا استعمال کریں۔
ریڈ زون جانے والی ٹریفک مارگلہ روڈ، ایکسپریس چوک، ایوب چوک اور نادرا چوک کا استعمال کریں۔ شہری ریڈ زون سے فیض اباد جانے کے لئے براستہ کنونشن سینٹر، کلب روڈ کا استعمال کریں۔
شہریوں کی رہنمائی کے لیئے اسلام آباد ٹریفک پولیس مختلف مقامات پر موجود رہے گی۔
سفر کے دوران کسی بھی پریشانی اور رہنمائی کے لیئے ٹریفک ہیلپ لائن 1915 پر رابطہ کریں۔ ٹریفک پولیس کا سوشل میڈیا پلیٹ فارم شہریوں کو بروقت ٹریفک روٹس سے متعلق آگاہی کے لئے موجود ہے۔
مزید پڑھیں :شیر افضل مروت کی پی ٹی آئی میں واپسی ممکن نہیں ،ان کیلئے دروازے بند ہو چکے ہیں،سلمان اکرم راجہ کا بڑا بیان
