اسلام آباد (اے بی این نیوز     )سرکاری ملکیتی اداروں کا 2 سالوں میں 851ارب37 کروڑ روپے نقصان کا انکشاف ہوا ہے۔ سرکاری ملکیتی اداروں کا مجموعی نقصان پانچ ہزار 748 ارب روپے تک پہنچ گیا۔

سرکاری ملکیتی اداروں کی گزشتہ مالی سال 2023-24 بارے کارکردگی رپورٹ جاری کی گئی۔ گذشتہ مالی سال این ایچ اے کانقصان سب سے زیادہ295 ارب58کروڑ روپے رہا۔
کیسکو120 ارب 45 کروڑ اور پیسکو نے88ارب72کروڑ روپے کا نقصان کیا۔

گذشتہ مالی سال پی آئی اے نے73 ارب59 کروڑ روپےکا نقصان کیا۔ پاکستان ریلویز نے51 ارب 37 کروڑ، سیپکو نے 37 ارب کا نقصان کیا۔ لیسکو نے 34 ارب 19 کروڑ،اسٹیل ملز نے31 ارب19کروڑ کا نقصان کیا۔

آئیسکو 15 ارب 80 کروڑ جبکہ حیسکو نے22 ارب 20کروڑ روپےنقصان کیا۔ پاکستان پوسٹ آفس نے دو سالوں میں 13 ارب43 کروڑ روپے نقصان کیا۔ سالانہ بنیادوں سرکاری اداروں کےنقصانات میں 14 فیصد کمی بھی ہوئی۔

گذشتہ مالی سال سرکاری ملکیتی اداروں کا منافع 820 ارب روپے رہا۔ سالانہ بنیادوں پرسرکاری ملکیتی اداروں کے منافع میں14.61فیصد اضافہ ہوا۔ گذشتہ مالی سال میں او جی ڈی سی ایل کامنافع سب سےزیادہ209 ارب رہا۔ پی پی ایل 115ارب 40کروڑ، نیشنل پارک مینجمنٹ کا منافع76 ارب 80کروڑ روپے رہا۔

مزید پڑھیں :فخر زمان 41گیندوں پر صرف 42 رنز بنا سکے،ایک چوکا بھی مارا،بابر اعظم موجود سلمان آغا اور طیب طاہر آئوٹ