اسلام آباد( اے بی این نیوز ) وفاقی سرکاری ملازمین کے مسائل کے حل کیلئے رانا ثنااللہ کی سربراہی میں کمیٹی کا دوسرا اجلاس ہوا۔ اجلاس میں طارق فضل چودھری، وزارت خزانہ و اسلام آباد پولیس کے نمائندوں کی شرکت۔ رانا ثنااللہ نے کہا کہ
پے اینڈ پینشن کمیشن کی سفارشات پر عمل درآمد سمیت دیگر مطالبات کمیٹی کو پیش کئے تھے۔ وزیراعظم نے خصوصی ہدایت کی ہے کہ سرکاری ملازمین کو زیادہ سے زیادہ ریلیف دیا جائے۔
جائزہ کمیٹی وفاقی معذور سرکاری ملازمین کیلئے مختص الاوئنس میں اضافے کی سفارش کرے گی۔
کمیٹی ، وفاقی سرکاری اساتذہ کے حالیہ کٹنے والے ٹیکس میں ریلیف کی بھی سفارش کرے گی۔ تنخواہوں میں تفریق کے خاتمے کے لئے ایک ضمنی کمیٹی کام رہی ہے۔ ضمنی کمیٹی تنخواہوں میں تفریق کے خاتمے اور دیگر مسائل کے حل کا مالی تخمینہ لگا رہی ہے۔
آئی ایم ایف پروگرام کی وجہ سے حکومت کو تمام مطا لبات پورا کرنے میں مشکلات کا سامنا ہے۔ سرکاری ملازمین کو آئندہ آنیوالے بجٹ میں زیادہ سے زیادہ ریلیف دینے پر بھی کام ہو رہا ہے۔
مزید پڑھیں :چیمپئنز ٹرافی،بھارتی ٹیم کے پاکستان نہ آنے پر مایوسی ہوئی، ’مس یو انڈیا‘ کے نعرے
