ایتھنز(اے بی این نیوز)یونان میں کشتی الٹنے کے واقعے میں زندہ بچ جانیوالے پاکستانی نوجوانوں کی المناک داستان سامنے آگئی ، ۔13 دسمبر کو یونان کےجزیرہ کریٹ کے جنوب میں کشتیاں الٹنےکا واقعہ پیش آیا جس میں 4 پاکستانی جوان جان کی بازی ہار گئے تھے۔

کشتی حادثے میں بچ جانیوالے پاکستانی نوجوانوں نے انکشاف کیا کہ کشتیوں کا حادثہ جمعہ اور ہفتے کی درمیانی شب پیش آیا، سمندر میں حالات بہت خراب تھے، شپ میں 84 افراد سوار تھے،درجنوں پاکستانی ہماری آنکھوں کےسامنےسمندرمیں ڈوب گئے۔

متاثرین نے انکشاف کیا کہ جس کشتی پر سوار تھے اس کا نہ انجن ٹھیک تھا، نہ واکی ٹاکی اور نہ ہی ڈرائیور ٹھیک تھا، حادثے کے بعد کارگو شپ نے ہمیں بچایا، ہمارے کپڑے، موبائل اور جوتے سب ویہیں رہ گئے، اب ہمارے پاس کپڑے ہیں نہ ہی جوتے۔

متاثرین کا کہنا تھا کہ وہ یونان کے ایک کیمپ میں مقیم ہیں، نوجوان پاکستان سے لیبیا پہنچے تھے وہاں ڈیڑھ دو ماہ بہت مشکل میں گزارے اور لیبیامیں ڈیڑھ دو مہینےرہے، وہاں سے 11 دسمبرکو شپ نکلی تھی۔

دوسری جانب یونان میں پاکستانی سفیر عامر آفتاب قریشی نے کہا کہ کشتی حادثے میں درجنوں پاکستانی اب بھی لاپتا ہیں، ریسکیوآپریشن جاری ہے مگر بچنےکی امیدیں کم ہیں۔

انہوں نے کہا کہ جاں بحق پاکستانیوں کی لاشیں سفارتخانہ اپنے خرچ پر پاکستان بھیجے گا۔واضح رہےکہ لیبیا سے غیرقانونی طریقے سے جانے والی5 کشتیوں پرپاکستانی سوارتھے، کشتیوں کو حادثہ ضرورت سے زیادہ افراد سوار ہونےکی وجہ سے پیش آیا، متاثرہ کشتوں میں پاکستانی بچےبھی تھے۔

نامور ہالی ووڈ ادکارہ انجلینا جولی کو بڑھاپے میں نئے ہمسفر کی تلاش، پاکستانی تاجر کا نام بھی سامنے آگیا