اسلام آباد ( اے بی این نیوز )آرمی چیف جنرل سید عاصم منیر کا دورہ کراچی،آئی ایس پی آر کے مطابق آرمی چیف نے آئیڈیاز 2024کا دورہ کیا۔ دفاعی نمائش آئیڈیاز 2024میں 557نمائش کنندگان شریک ہیں۔
آرمی چیف نے دوست ممالک کی دفاعی نمائش میں شرکت کو سراہا۔ آرمی چیف نے عالمی نمائش کنندگان کی جانب سے اسلحے اور سازوسامان کی نمائش کا مشاہدہ کیا۔ دفاعی نمائش میں 333بین الاقوامی اور 224مقامی شرکا شریک ہیں۔
دفاعی نمائش آئیڈیاز 2024میں 36ممالک کے سٹالز لگائے گئے ہیں۔ 47ممالک پہلی بار آئیڈیاز 2024نمائش میں شرکت کررہے ہیں۔ آرمی چیف نے فوجی حکام اور دفاعی مندوبین سے بات چیت بھی کی۔
کور کمانڈر کراچی لیفٹیننٹ جنرل بابر افتخار نے آرمی چیف کا پرتپاک استقبال کیا۔
