کراچی(نیوز ڈیسک )ایکسپو سینٹر کراچی میں بین الاقوامی دفاعی نمائش اور سیمینار (آئیڈیاز) 2024 کی تیاریاں مکمل کرلی گئی ہیں۔ وزیراعظم آج افتتاحی تقریب میں مہمان خصوصی ہوں گے۔
12ویں آئیڈیاز 2024 ایکسپو سینٹر کراچی میں 19 سے 22 نومبر تک جاری رہے گی۔ چار روزہ نمائش میں ملک میں تیار کردہ دفاعی مصنوعات کی نمائش کی جائے گی۔نمائش میں پاکستان کا جدید ترین فائٹر ڈرون شاہ پارتھری بھی متعارف کرایا جائے گا جبکہ جدید ٹیکنالوجی سے لیس دفاعی مصنوعات اور آلات دنیا کے سامنے پیش کیے جائیں گے۔
ڈپو ڈائریکٹر بریگیڈیئر علی عادل کے مطابق یہ نمائش دفاعی صنعت کے ساتھ ساتھ ملکی ترقی میں بھی اہم کردار ادا کرے گی۔انہوں نے کہا کہ یہ خطے میں دفاعی سازوسامان کی سب سے بڑی نمائش ہے۔ اس بار نمائش میں 55 ممالک کے 330 غیر ملکی نمائش کنندگان اور 33 وفود شرکت کر رہے ہیں۔
کموڈور اعتزاز خالد نے کہا کہ ایران، اٹلی اور یوکرین پہلی بار نمائش میں شامل ہو رہے ہیں جبکہ چین اور ترکی کے لیے تین خصوصی پویلین بنائے گئے ہیں۔آئیڈیاز ہر دو سال بعد منعقد ہوتا ہے۔ چار روزہ نمائش کے دوران حسن اسکوائر سے اسٹیڈیم تک سر شاہ سلیمان روڈ صبح 7 بجے سے شام 7 بجے تک بند رہے گی۔
مزید پڑھیں: یہ بات نہیں سنی جائے گی کہ گرفتار ہوگیا تھا،بشریٰ بی بی کی رہنمائوں سے خطاب کی آڈیو سامنے آگئی
