اسلام آباد ( اے بی این نیوز    )انٹرنیشنل کرکٹ کونسل نے چیمپینز ٹرافی دبئی سے لاہورپہنچا دی گئی۔ یہ ٹرافی کل شام اسلام آباد پہنچے گی۔ ہفتہ کو اس ٹرافی کو اسلام آباد کا ٹور کروایا جائیگا۔ آئی سی سی کے شیڈول کے مطابق 16 نومبر سے چمپئینز ٹرافی ٹور کا آغاز ہونا ہے۔

24 نومبر تک ٹرافی ٹور جاری رہے گا ۔ سکردو کے بعد چمپئینز ٹرافی کو کے ٹو بیس کیمپ لے جایا جائے گا۔ ٹرافی ٹور میں وہ شہر بھی کور ہوں گے جہاں چیمپینز ٹرافی کے میچز ہونا ہیں۔ یہ پہلا موقع ہے کہ چیمپینز ٹرافی کے شیڈول کے اعلان کے بغیر ہی ٹرافی ٹور شروع ہو گا۔

آئی سی سی ٹورنامنٹ کے آغاز سے 4 ماہ پہلے شیڈول کا اعلان کرتا ہے۔ مینز ٹی20 ورلڈ کپ 2024 کے شیڈول کا اعلان 4 ماہ پہلے جنوری میں کیا گیا تھا۔ مینز ون ڈے ورلڈکپ 2023 کے شیڈول کا اعلان 3 ماہ پہلے جون میں ہوا تھا۔
آئی سی سی چیمپئنز ٹرافی 19 فروری سے 9 مارچ تک پاکستان میں شیڈولڈ ہے۔ آئی سی سی نے چیمپینز ٹرافی کے شیڈول کا اعلان 11 نومبر کو لاہور میں کرنا تھا۔ چیمپینز ٹرافی 2024 میں بھارت کے تمام میچز لاہور میں منعقد ہونا تھے۔ بھارتی انکار کے باعث آئی سی سی ٹرافی کے شیڈول کا اعلان نہیں کر پا رہا۔

مزید پڑھیں :پہلا ٹی ٹوئنٹی، ایشیز سے شاہینوں کے پر کاٹ دیئے، 29 رنز سے شکست