لاہور(نیوزڈیسک)پنجاب میںبڑھتی ہوئی سموگ کے باعث سرکاری دفاتر کے 50 فیصد عملے کو آن لائن کام پر منتقل کرنے کا حکم دیدیا ۔
ڈی جی ماحولیات پنجاب کی جانب سے تمام سیکرٹریز اور سربراہان کوجاری مراسلے میں کہا گیا ہے کہ دفاتر میں صرف 50 فیصد اسٹاف کو بلایا جائے گا، 50 فیصد عملہ گھروں سے کام کرنے کا پابند ہو گا۔
مراسلے کےمطابق مختلف محکموں کے درمیان میٹنگز بھی آن لائن کرنا ہوں گی ، فیصلے کا اطلاق پنجاب کے تمام سرکاری، نیم سرکاری ، خودمختار اداروں پر ہو گا۔
مراسلے میں کہا گیا ہے کہ ٹرانسپورٹ سے خطرناک مادوں کا اخراج اسموگ بڑھا رہا ہے، سڑکوں پرٹریفک کم کرنے کے پیش نظر فیصلہ کیا گیا۔
دھند کے باعث ٹرینیں اورپروازیں تاخیر کا شکار ،مسافر سراپااحتجاج
