اسلام آباد ( اے بی این نیوز     )جسٹس منیب اخترنے سپریم کورٹ کے رجسٹرار کو ایک اور خط لکھ دیا۔ خط کے مطابق آرٹیکل 63اے نظر ثانی کیس 5رکنی بینچ کے سامنے سماعت کیلئے مقرر تھا۔
4ججوں نے بیٹھ کر کیسے حکم نامہ جاری کردیا۔ بینچ میں بیٹھنے والے 4 ججز قابل احترام ہیں مگر آج کی سماعت قانون اور رولز کے مطابق نہیں۔ آج کی سماعت کا حکمنامہ جوڈیشل آرڈر نہیں۔ آرٹیکل 63 اے کی تشریح سے متعلق نظرثانی کیس کے حکمنامہ کی کوئی حیثیت نہیں۔

آج کی سماعت کا حکمنامہ مجھے بھیجا گیا۔ حکمنامے میں میرا نام لکھا ہوا مگر آگے دستخط نہیں۔ اپنا موقف پہلے خط میں تفصیل سے بیان کر چکا ہوں۔آج کی سماعت کے حکمنامے پر احتجاج ریکارڈ کرانا چاہتا ہوں۔ 4رکنی بینچ عدالت میں بیٹھ کر آرٹیکل 63 اے سے متعلق نظرثانی کیس نہیں سن سکتا۔
مزید پڑھیں : معروف اسلامی سکالر ڈاکٹر ذاکر نائیک پاکستان میں کب اور کہاں کہاں لیکچر دیں گے ؟ تفصیلات جانئے