اسلام آباد ( اے بی این نیوز )راولپنڈی میں پہلا ڈیجیٹائزڈ ٹرانسپورٹ سسٹم متعارف کروانے سے پاکستان کے ٹرانسپورٹ کے شعبے میں ایک نیا باب کھلنے جا رہا ہے۔ پنجاب انفارمیشن ٹیکنالوجی بورڈ (PITB) کی جانب سے تیار کیا جانے والا یہ نظام، شہر کے عوامی ٹرانسپورٹ کے نظام کو جدید بنانے کی کوشش ہے۔ اس منصوبے کا آغاز پیرودھائی بس ٹرمینل سے ہوگا، جہاں ایک کنٹرول روم اور ای-ٹیگ سسٹم نصب کیا جائے گا جو گاڑیوں کے رجسٹریشن، فٹنس سرٹیفکیٹس، اور ڈرائیور کی تفصیلات سمیت مکمل ڈیٹا کو مانیٹر اور ریکارڈ کرے گا۔
یہ نظام سڑکوں اور مسافروں کی حفاظت میں بہتری لائے گا اور صرف وہی گاڑیاں چلنے کی اجازت دی جائے گی جو حفاظتی معیارات پر پورا اترتی ہوں گی۔ پیرس، لندن اور امریکہ کے ٹرانسپورٹ سسٹمز کی طرز پر بنایا جانے والا یہ منصوبہ، اگر کامیاب رہا، تو پنجاب کے دیگر شہروں تک بھی پھیلایا جا سکتا ہے۔ اس کے علاوہ، اس نئے نظام کے ذریعے شہری آن لائن شکایات بھی درج کروا سکیں گے، جس سے عوامی ٹرانسپورٹ سروسز میں بہتری اور جوابدہی میں اضافہ ہوگا۔
ریجنل ٹرانسپورٹ اتھارٹی (RTA) کے سیکریٹری رشید علی نے اس منصوبے کو ملک کی تاریخ کا ایک منفرد قدم قرار دیا ہے
مزید پڑھیں :الیکشن کمیشن کا پارلیمنٹ کو عام انتخابات کے اخراجات کی تفصیلات دینے سے انکار
