بنکاک ( اے بی این نیوز        ) تھائی لینڈ کے وزیراعظم کو کابینہ میں غلط تقرری پر برطرف کر دیا ۔

عدالت کی جانب سے وزیراعظم سریتھا تھاوسین کو غلط طریقے سے کابینہ میں شامل کرنے پر برطرف کیا گیا۔

غیر ملکی میڈیا کے مطابق عدالتی فیصلے میں کہا گیا ہے کہ وزیراعظم نے جیل کا وقت گزارنے والے وکیل کو کابینہ میں شامل کرکے آئین کی خلاف ورزی کی ہے۔

9 میں سے 5 ججوں نے وزیر اعظم سریتھا اور ان کی کابینہ کو برطرف کرنے کے حق میں ووٹ دیا۔

تھائی لینڈ کے سابق وزیراعظم نے کہا ہے کہ مجھے اپنی برطرفی کا عدالتی فیصلہ قبول ہے، میں نے اپنا کام ایمانداری اور بہترین طریقے سے کیا ہے۔

گزشتہ ہفتے اسی عدالت نے ملک کی مقبول موو فارورڈ پارٹی کو تحلیل کرتے ہوئے پارٹی کے رہنماؤں پر 10 سال کے لیے سیاست کرنے پر پابندی عائد کر دی تھی۔

واضح رہے کہ گزشتہ سال کے انتخابات میں موو فارورڈ پارٹی نے سب سے زیادہ نشستیں حاصل کی تھیں۔

دو دہائیوں کے دوران تھائی لینڈ میں درجنوں قانون سازوں پر پابندیاں لگائی جا چکی ہیں، پارٹیاں تحلیل ہو چکی ہیں اور وزیر اعظم کو بغاوت یا عدالتی فیصلوں کے ذریعے ہٹایا جا چکا ہے۔

مزید پڑھیں :ریاستی اداروں میں اصلاحات کا عمل جاری ہے،وزیراطلاعات عطا تارڑ