اسلام آباد ( اے بی این نیوز )اسپیکر قومی اسمبلی ایاز صادق نے غیر ضروری بیرون ملک دوروں اور سرکاری اخراجات پر کھانوں پر پابندی عائد کر دی۔ پابندی کا اطلاق پارلیمانی وفود اور اسمبلی افسران پر ہوگا، کم سے کم دورانیے اور مختصر وفود کو اجازت ہوگی۔ذرائع کے مطابق
اسپیکر قومی اسمبلی نے سرکاری اخراجات پر ریفریشمنٹ پر بھی پابندی عائد کی اور ڈنر اور لنچ کے ٹائم کوئی اجلاس نہ رکھنے کی ہدایت جاری کر دی۔قائمہ کمیٹیوں کے چیئرمین کی نئی گاڑیوں کی فرمائش بھی پوری نہ کی گئی۔
چیئرمینز مسلسل نئی گاڑیاں فراہم کرنے کا مطالبہ کرتے رہے مگر ایاز صادق نے انکار کر دیا۔قائمہ کمیٹیوں کے چیئرمینوں نے اسپیکر ایاز صادق سے پہلے سے فراہم پرانی اور ناکارہ گاڑیاں مرمت کے بعد چیئرمینوں کے حوالے کر دی گئیں۔
آیاز صادق کے پاس 2015 ماڈل گاڑی ہے جبکہ چیئرمینوں کو دی گئی گاڑیاں 2017 اور 2019 ماڈل کی ہیں۔ اس حوالے سے اسپیکرنے موقفمدیا کہ اتنے فنڈز نہیں ہیں کہ نئی گاڑیاں خریدی جائیں۔
وزیر اعظم شہباز شریف کی طرف سے بھی نئی گاڑیوں کی خریداری پر پابندی ہے۔ وزارت خزانہ نے بھی نئی گاڑیوں کیلیے فنڈز دینے سے انکار کر دیا تھا۔
مزید پڑھیں :پی آئی اے کا حج آپریشن 2024 اختتام پذیر ہوگیا،143 پروازیں چلائی گئیں
