اسلام آباد(نیوزڈیسک) دفتر خارجہ نے کہا ہے کہ ڈھاکا میں تمام پاکستانی طلبا محفوظ ہیں اور انہیں محفوظ مقامات پر رہائش ٹھہرایا گیا ہے۔
دفتر خارجہ کی ترجمان نے بنگلادیش کی صورت حال پر اپنے ایک بیان میں کہا کہ ہمارا مشن تمام پاکستان طلبا سے رابطے میں ہے، ڈپٹی ہائی کمشنر نے چٹاگانگ کا دورہ کیا اور وہاں کے طلباء سے بھی ملاقات کی۔
دفتر خارجہ کی ترجمان نے کہا کہ تمام طلباء محفوظ ہیں اور انہیں ہائی کمیشن نے طلباء کو محفوظ مقامات پر ٹھہرایا ہے۔
واضح رہے کہ بنگلادیش میں سرکاری ملازمتوں میں کوٹہ سسٹم کے خلاف پُرتشدد احتجاج جاری ہے جس کے دوران اب تک طلبا سمیت 100 سے زائد افراد جاں بحق ہوچکے ہیں جبکہ حکومت نے صورت حال کو دیکھتے ہوئے ملک بھر میں کرفیو نافذ کر کے فوج کو سیکیورٹی پر تعینات کردیا ہے۔
