اسلام آباد (  اے بی این نیوز     )وفاقی حکومت نے 3 سالہ معاشی پلان جاری کر دیا۔ جاری پلان کے مطابق وزیر اعظم کی منظوری سےوسط مدتی بجٹ سٹریٹجی پیپر کے تحت معاشی اہداف مقرر کر دیئے گئے۔
معاشی پلان کے تحت معاشی شرح نمو میں اضافہ،مہنگائی اور مالیاتی خسارہ کم کیا جائے گا ۔ ایف بی آر کی ٹیکس وصولیوں اور نان ٹیکس آمدنی میں اضافہ کیا جائے گا ۔ تین سال میں معاشی شرح نمو 5.5 فیصد تک بڑھانے کا ہدف مقرر۔
مالی سال 2027 تک اوسط مہنگائی کا ہدف 7 فیصد مقرر۔ مالی سال 2027 تک ملکی برآمدات 37 ارب 95 کروڑ ڈالرز تک بڑھانے کا ہدف مقرر ۔ مالی سال 2027 تک درآمدات کے لیے67 ارب 8 کروڑ ڈالرز کا ہدف مقرر کیا گیا ہے۔
تین سال میں ایف بی آر کی ٹیکس وصولیاں 18 ہزار 47 ارب روپے تک بڑھانے کا ہدف بھی مقرر۔ تین سال میں نان ٹیکس ریونیو کو 4 ہزار 93 ارب روپے تک بڑھانے کا ہدف مقرر۔ مالی سال 2027 تک کل وفاقی اخراجات کا تخمینہ 21 ہزار 218 ارب روپے لگادیا گیا۔
تین سال میں صوبائی سرپلس بجٹ کا تخمینہ 1800ارب روپے کرنے کا ہدف ۔ مالی سال 2027 تک مجموعی مالیاتی خسارہ 4.9 فیصد تک مقرر کرنے کا ہدف دیا گیا ہے۔ مالی سال 2027 تک پٹرولیم لیوی کا ہدف 1438ارب روپے مقرر ۔
مالی سال 2027 تک سود کی ادائیگیوں کا ہدف 10 ہزار 238 ارب روپے مقرر ۔ مالی سال 2027 تک دفاعی اخراجات کا تخمینہ 2578 ارب روپے لگا دیا گیا۔ مالی سال 2027 تک گرانٹس 2197 ارب اور سبسڈیز کا ہدف 1569 ارب روپے مقرر کرنے کا ہدف۔
مالی سال 2027 تک پینشن کے اخراجات کا تخمینہ 1341 ارب روپے لگایا گیا ہے۔

مزید پڑھیں :غزہ کی پٹی قانونی طورپرفلسطین کاحصہ ہے،آئی سی جے کافیصلہ