لاہور (نیوزڈیسک) سابق وفاقی وزیرو مرکزی رہنما ن لیگ میاں جاوید لطیف نےپریس کانفرنس کرتے ہوئےکہا کہ جس پارٹی سے ملک کو خطرہ ہو اسے کوئی سیاسی جماعت نہیں کہتا ہے۔ پی ٹی آئی کے دور میں سی پیک پر کام کس نے رکوایا تھا، اب یہ کہتا ہے کہ سی پیک فیز ٹو بند کرکے دکھاؤں گا، ملک اب کسی امتحان کا متحمل نہیں ہو سکتا۔
سابق چیف جسٹس عمر عطا بندیال نے ملکی آئین توڑنے پر کارروائی کا عندیہ دیا تھا، پی ٹی آئی پر صرف پابندی کا کہا جارہا ہے ابھی پابندی نہیں لگی، کیا آپ کے دور میں تحریک لبیک پر پابندی نہیں لگائی گئی تھی، آج انہیں سہولت کاری نظر آرہی ہے تو فوری تشویش کا اظہار کردیا۔
رہنما مسلم لیگ ن میاں جاوید لطیف نے پریس کانفرنس کرتے ہوئے کہا کہبانی پی ٹی آئی آئی ایم ایف سے کڑی سے کڑی شرائط لگوانا چاہتا ہے، ملک میں کینیا جیسے حالات پیدا کرنے کی کوشش کی جارہی ہے،اب ہم مزید امتخان کے قابل نہیں رہے، آج پاکستان کے مشکل حالات پر کسی کو تشویش نہیں ہے، جس سے ملک کو خطرہ ہو اسے کوئی سیاسی جماعت نہیں کہتا۔
تمام سٹیک ہولڈرز کو اکٹھا کرکے ریاست کو کمزور کرنے والے خفیہ ہاتھ سامنے لائے جائیں، جو جماعت اپنی ملک اور قوم کی خوشحالی کیلئے اقدامات اٹھائے تو انہیں نشان عبرت بنا دیا جاتا ہے، قومی جماعتیں کمزور ہونے سے جمہوریت کمزور ہوتی ہے۔انہوں نے مزید کہا کہ پاکستان کا مفاد جرم ہے تو یہ جرم ساری قوم کو کرنا چاہیے، حکومت چاہے لے لیں لیکن سی پیک کو بند کرے کا فیز ٹو منصوبہ کامیاب نہیں ہونے دیں گے، سیاستدان ریاست کیلئے ایک دوسرے سے غصہ اور بغض ختم کردیں۔
جسٹس مشیر عالم کا ایڈہاک کام کرنے سے انکار، جسٹس طار ق مسعود نے حامی بھر لی
