ملتان (نیوزڈیسک)مزکزی رہنما پاکستان تحریک انصاف زین قریشی نے دعویٰ کیا کہ سابق وزیراعظم عمران خان اور سابق وزیرخارجہ شاہ محمود قریشی کواڈیالہ جیل میں عید کی نماز ادائیگی سے روک دیا ۔
زین قریشی نے میڈیا سے گفتگو کرتے ہوئے کہا کہ شاہ محمود قریشی کے بغیر یہ دوسری عید گزررہی ہے، میرے والد محترم نے حقیقی قربانی دی ، امید ہے عید کے بعد شاہ محمود قریشی رہا ہو جائیں گے۔انہوں نے دعویٰ کیا کہ سابق وزیراعظم پاکستان اور بانی چیئرمین پی ٹی آئی عمران خان اورسابق وزیرخارجہ شاہ محمود قریشی کو آج نماز عید ادا کرنے سے روک دیا ۔
شاہ زین قریشی کا کہنا تھا کہ سائفرکیس سیاسی انتقام، ہائیکورٹ نے اس کیس میں باعزت بری کیا تو حکومت نے 9 مئی کے بے بنیاد کیسز بنا دیئے۔زین قریشی کا کہنا تھاکہ ہم نے کبھی مذاکرات سے انکار نہیں کیا، عام انتخابات اور 9 مئی کی تحقیقات ہمارا مطالبہ ہے۔
انہوں نے مزید کہا کہ پیپلز پارٹی نے پہلے بھی مل کر حکومت بنانے کی دعوت دی، ہم نے اصولی موقف اختیار کیا، تحریک انصاف کے کوئی آپسی اختلاف نہیں۔ان کا کہناتھاکہ بجٹ میں عوام کو کوئی ریلیف نہیں ملا ہے، یہ آئی ایم ایف دوست بجٹ ہے۔
خیال رہے کہ گزشتہ دنوں عید الفطر پر شاہ محمود قریشی کی صاحبزادی مہربانو نے کہا تھاکہ والد اور بانی پی ٹی آئی عمران خان نے باجماعت نماز عید ادا نہیں کی، انہیں اپنے اپنے سیل میں رکھا گیا تھا۔
بجلی کے زائد بل ملنے پر مکینوں نے بحریہ ٹاؤن اورآئیسکو کیخلاف مقدمہ درج کروادیا
