پشاور ( اے بی این نیوز )خیبرپختونخوا کی وزیر برائے ہائر ایجوکیشن مینا خان پر نقل کا الزام ۔
مینا خان پر قانون کے امتحان میں دھوکہ دہی کا الزام ہے۔ اس پر صوبائی وزیر کا کہنا ہے کہ یہ ایک منصوبے کے تحت انہیں رواں سال فروری میں ہونے والے انتخابات سے روکنے کے لیے کیا گیا۔پشاور سے موصولہ اطلاعات کے مطابق صوبائی وزیر کو امتحانی ڈسپلن کمیٹی کے سامنے پیش ہونے کا کال لیٹر سوشل میڈیا پر وائرل ہوگیا ہے۔
پشاور یونیورسٹی کی ڈسپلن کمیٹی کا کال لیٹر رواں سال جنوری میں جاری کیا گیا تھا۔صوبائی وزیر برائے ہائر ایجوکیشن مینا خان نے وائرل ہونے والی دستاویز پر اپنے بیان میں کہا کہ امتحانات میں بے ضابطگیوں کے الزام میں ڈسپلنری کمیٹی کو بلایا گیا تھا اور 30 جنوری کو کمیٹی کے سامنے پیش ہوئی اور مجھے کلیئر کر دیا گیا۔
صوبائی وزیر کا مزید کہنا تھا کہ بدنظمی کا مطلب یہ نہیں کہ میں نقل کرتے ہوئے پکڑا گیا۔
انہوں نے کہا کہ مجھے الیکشن سے روکنے کے لیے یہ پلاننگ کی گئی جو کامیاب نہیں ہو سکی۔
مزید پڑھیں :عیدالاضحیٰ سے قبل مہنگائی ،ٹماٹر ،پیاز کو آگ لگ گئی،چکن کی قیمت بھی آسمان پر
