اسلام آباد (اے بی این نیوز )اسلام آباد ایئرپورٹ کی آؤٹ سورسنگ کے طریقہ کار کو تبدیل کر دیا گیا ہے۔سول ایوی ایشن اتھارٹی نے آؤٹ سورسنگ میں دلچسپی رکھنے والی کمپنیوں کو نئی ہدایت جاری کی ہے، جن میں کہا گیا ہے کہ اسلام آباد ایئرپورٹ کو پبلک پرائیویٹ پارٹنرشپ کے تحت آؤٹ سورس کیا جائے گا۔
سول ایوی ایشن اتھارٹی کے حکام کا کہنا ہے کہ ہوائی اڈے کی آؤٹ سورسنگ اب پبلک پرائیویٹ پارٹنرشپ ایکٹ 2017 کے تحت ہوگی جس میں دلچسپی رکھنے والی کمپنیاں ٹینڈرز بھرتے وقت پبلک پرائیویٹ پارٹنرشپ کے تحت درخواست دیں گی۔
حکام کا کہنا ہے کہ اسلام آباد ایئرپورٹ کی نجکاری کے لیے ٹینڈر کی درخواست 15 جولائی تک جمع کرائی جا سکتی ہے، ٹینڈر کی درخواست سی اے اے کی ویب سائٹ سے ڈاؤن لوڈ کی جا سکتی ہے۔
مزید پڑھیں :تھانہ نیلور ، مویشی منڈی میں فائرنگ،دو افراد زخمی ہو گئے
