لاہور ( اے بی این نیوز )لاہور ہائیکورٹ نے پی ٹی آئی بانی کی نااہلی، بلے کا نشان واپس لینے کے خلاف اپیل پر لارجر بینچ تشکیل دیدیا گیا۔ لاہور ہائی کورٹ نے بانی پاکستان تحریک انصاف (پی ٹی آئی) کی جانب سے بلے کا نشان واپس لینے اور توشہ خانہ کی نااہلی کے خلاف اپیل کی سماعت کے لیے نیا لارجر بینچ تشکیل دے دیا۔چیف جسٹس لاہور ہائی کورٹ نے جسٹس شمس محمود مرزا کی سربراہی میں 5 رکنی لارجر بینچ تشکیل دے دیا۔
لارجر بینچ میں جسٹس شاہد کریم، جسٹس شہرام سرور چوہدری، جسٹس جواد حسن اور جسٹس رسال حسین شامل ہیں۔ توشہ خانہ کیس میں بانی پی ٹی آئی کی نااہلی کی سماعت 5 رکنی لارجر بینچ 20 جون سے کرے گا۔جسٹس شاہد بلال حسن کی سپریم کورٹ میں نامزدگی کے بعد لارجر بنچ تحلیل کر دیا گیا۔
مزید پڑھیں :تھانہ نیلور ، مویشی منڈی میں فائرنگ،دو افراد زخمی ہو گئے
