لاہور(نیوزڈیسک) پنجاب حکومت نے جھوٹی خبروں کے تدارک کیلئے ہتک عزت قانون 2024 لاگو کرنے کا فیصلہ کر لیا۔پنجاب میں جھوٹی، من گھڑت اور غیر حقیقی خبروں کے تدارک کیلئے صوبائی حکومت نے ہتک عزت قانون 2024 لاگو کرانے کا فیصلہ کر لیا۔

قانون کا اطلاق پرنٹ، الیکٹرانک اور سوشل میڈیا کے ذریعے پھیلائی جانے والی ان جھوٹی اور غیر حقیقی خبروں پر ہوگا جس سے کسی فرد یا ادارے کا تشخص خراب ہو۔قانون کا اطلاق ان جھوٹی خبروں کے تدارک کیلئے کیا جائے گا جو کسی شخص کی پرائیویسی اور پبلک پوزیشن کو خراب کرنے کے لیے پھیلائی جائیں گی۔
غزہ نسل کشی ، مالدیپ کا اسرائیل کیخلاف عالمی عدالت انصاف میں جنوبی افریقہ کا ساتھ دینے کا اعلان
ہتک عزت آرڈیننس 2002 اس قانون کے اطلاق کے بعد سے تبدیل ہو جائے گا۔پنجاب حکومت نے ہتک عزت قانون 2024 کا بل صوبائی اسمبلی میں پیش کر دیا۔ہتک عزت بل 2024 اسمبلی کی متعلقہ کمیٹی کو بھجوا دیا گیا۔ کمیٹی ہتک عزت بل 2024 پر اپنی سفارشات آئندہ دو روز میں پیش کرے گی۔

کمیٹی کی سفارشات کے بعد بل صوبائی اسمبلی میں منظوری کے لیے پیش کیا جائے گا۔ اسمبلی سے منظوری کے بعد بل کا اطلاق صوبے میں فی الفور کر دیا جائے گا۔