ڈبلن(نیوز ڈیسک ) پاکستان کرکٹ بورڈ (پی سی بی) کے چیئرمین محسن نقوی نے پیر کو ڈبلن میں کرکٹ آئرلینڈ کے چیئرمین برائن میک نائس سے ملاقات کی۔تفصیلات کے مطابق ملاقات میں ویمن کرکٹ ٹیم کی سیریز پر تبادلہ خیال کیا گیا۔
مزید پڑھیں: انڈونیشیا میں سیلاب نےتباہی مچادی، 43 افراد ہلاک، 15 لاپتہ ہو گئے
چیئرمین کرکٹ آئرلینڈ نے محسن نقوی کو آئرلینڈ ٹیم کی شرٹ اور کیپ پیش کی۔برائن میک نیس نے کہا کہ آئرلینڈ کی کرکٹ ٹیم اگلے سال اگست ستمبر میں پاکستان کا دورہ کرے گی، جلد ہی ویمن کرکٹ ٹیم کے دورہ پاکستان کا بھی جائزہ لیں گے۔

انہوں نے کہا کہ چیمپئنز ٹرافی 2025 کا پاکستان میں انعقاد خوش آئند ہے، پاکستان نے ہمیشہ بین الاقوامی ٹورنامنٹس کے لیے بہترین سیکیورٹی فراہم کی ہے۔چیئرمین پاکستان کرکٹ بورڈ محسن نقوی نے دورہ آئرلینڈ کے شاندار انتظامات پر برائن میک نائس کا شکریہ ادا کیا۔