حیدرآباد(نیوز ڈیسک )حیدرآباد میں مسافر کوچ اور ٹرالی میں تصادم کے نتیجے میں 5 افراد جاں بحق اور 10 سے زائد زخمی ہوگئے۔پولیس حکام کے مطابق افسوسناک ٹریفک حادثہ حیدرآباد کے علاقے مٹیاری کے قریب قومی شاہراہ پر پیش آیا جہاں پنجاب سے کراچی جانے والی مسافر کوچ تیز رفتاری سے ٹرالی سے ٹکرا گئی جس کے نتیجے میں 5 افراد موقع پر ہی جاں بحق جب کہ 10 سے زائد زخمی ہوگئے۔
مزید پڑھیں: یونان، بٹ اور گجر برادریوں کے درمیان تصادم ،19 سالہ پاکستانی نوجوان قتل
حادثے کی اطلاع ملتے ہی ریسکیو ٹیم موقع پر پہنچ گئی۔ جس نے لاشوں اور زخمیوں کو اسپتال منتقل کردیا جہاں زخمیوں کو طبی امداد دی جارہی ہے۔پولیس نے جائے وقوعہ کا جائزہ لینے کے بعد حادثے کی تحقیقات شروع کر دی ہیں۔
