اسلام آباد(نیوز ڈیسک )ملک کے بیشترعلاقوں میں موسم گرم اور خشک رہنے کا امکان۔تا ہم شمالی بلوچستان ، خیبر پختونخوا،بالائی پنجاب، اسلام آباد ،کشمیراور گلگت بلتستان میں چند مقا مات پرآندھی / جھکڑ چلنے اور گرج چمک کے ساتھ بارش کی توقع۔ جبکہ وسطی/جنوبی پنجاب اور بالائی سندھ میں موسم شدید گرم رہنے کے علاوہ گرد آلود ہوائیں/جھکڑ چلنےاور بعض مقامات پر گرج چمک کے ساتھ ہلکی بارش ہو سکتی ہے ۔
مزید پڑھیں: اسلام آباد، جیل کی تعمیرکا پہلا مرحلہ چھ ماہ میں مکمل کرنے کی ہدایت
اسلام آباد
اسلام آباد اور گر دو نواح میں مطلع جزوی ابر آلود رہنےکے علاوہ آندھی/جھکڑ چلنے اورگرج چمک کے ساتھ بارش کاامکان ۔
بلوچستان
صوبہ کے بیشتر اضلاع میں موسم گرم اور خشک رہے گا۔ اس دوران بعداز دوپہر تیز /گرد آلود ہوائیں چلنے کا امکان۔ تاہم شام/رات کے دوران کوئٹہ، قلات،مستونگ،زیارت، قلعہ عبداللہ، قلعہ سیف اللہ، پشین ، موسی خیل ، بارکھان اورژوب میں چند مقامات پرآندھی /جھکڑ چلنے اور گرج چمک کے ساتھ بارش کا امکان۔
پنجاب
مری،گلیات ،راولپنڈی،اٹک،جہلم،چکوال،بھکر،میانوالی،خوشاب،نورپور تھل،سرگودھا، منڈی بہاؤالدین،گجرات،گوجرانوالہ،لاہور،سیالکوٹ اورنارووال میں چند مقامات پر آندھی/جھکڑ چلنے اورگرج چمک کے ساتھ بارش کاامکان۔ اس دوران چند مقا مات پر ژالہ باری کی بھی توقع ۔جبکہ فیصل آباد ،ڈی جی خان، ملتان ،سا ہیوال ،خانیوال، لیہ اور بہاولپور میں بعض مقامات پر آندھی/جھکڑ چلنے اورگرج چمک کے ساتھ ہلکی بارش کاامکان ۔
سندھ
صوبہ کے بیشتر اضلاع میں موسم گرم اور خشک رہنے کے علاوہ تیز /گرد آلود ہوائیں چلنے کا امکان۔ تا ہم شام/رات میں جیکب آباد،سکھر،کشموراورگردونواح میں آندھی/جھکڑ چلنے اورگرج چمک کے ساتھ بارش ہو سکتی ہے۔
خیبر پختونخواہ
چترال ، دیر، سوات، ایبٹ آباد، مانسہرہ، ہری پور، کوہستان، شانگلہ، بونیر،بٹگرام ، مالاکنڈ، پشاور، چارسدہ، نوشہرہ، صوابی، مردان ، کوہاٹ، کرک ، لکی مروت، بنوں، ڈیرہ اسماعیل خان، باجوڑ، مہمند ، خیبر، کرم اور وزیرستان میں گرد آلود ہوائیں/ آندھی/جھکڑ چلنے اور گرج چمک کے بارش کا امکان۔اس دوران چند مقا مات پر ژالہ باری کی بھی توقع ۔
گلگت بلتستان
گلگت بلتستان میں مطلع جزوی ابرآلود رہنے کے علاوہ چند مقامات پر تیز ہواؤں اورگرج چمک کے ساتھ بارش کا امکان۔
کشمیر
کشمیر میں مطلع جزوی ابرآلود رہنے کے علاوہ چند مقامات پر تیز ہواؤں اورگرج چمک کے ساتھ بارش کا امکان۔
