لاہور (نیوز ڈیسک) وزیراعلیٰ پنجاب مریم نواز کی زیر صدارت ہائر ایجوکیشن سیکٹر ریفارمز کے حوالے سے اجلاس میں لیپ ٹاپ اسکیم کی منظوری سمیت اہم فیصلے کئے گئے ۔
مزید پڑھیں: لاہور،دھواں چھوڑنے والی گاڑیاں بند کرنے کا فیصلہ
اجلاس میں ہائر ایجوکیشن کے فروغ،لیپ ٹاپ اور طالبات کو ٹرانسپورٹ کی سہولت پر تفصیلی بریفنگ دی گئی۔ اس مقع پر مریم نواز کا کہنا تھا ہر ضلع میں انٹر نیشنل اسٹینڈرڈ کی یونیورسٹی اور تحصیل کی سطح پر کالج ہمارے اہداف میں شامل ہیں۔

انہوں نے کہا کہ وزیراعظم شہباز شریف کی تعلیمی ایمرجنسی کے اعلان کا خیر مقدم کرتے ہیں۔ صوبے بھر میں طلبہ کو 20 ہزار موٹر بائیکس دے رہے ہیں۔ اجلاس کو بتایا گیا کہ پنجاب کے طلبہ کو 7 سال بعد دوبارہ جدید ترین لیپ ٹاپ دیئے جائیں گے۔

مسلم لیگ ن کے ادوار میں ہائر ایجوکیشن کا بجٹ زیادہ رہا ۔ پنجاب میں نجی اور سرکاری یونیورسٹیوں میں ساڑھے 6 لاکھ سے زائد طلبہ زیر تعلیم ہیں۔ یونیورسٹیوں میں زیر تعلیم طلبہ میں لڑکوں کا تناسب 44 اور لڑکیوں کا تناسب 56 فیصدہے۔