اسلام آباد(نیوزڈیسک)پی ڈی ایم کی وفاقی حکومت پاکستان کو معاشی بحران سے نکالنے کیلئے ہاتھ پائوں مارنے لگی ،سستے تیل کی خریداری معاہدے کیلئے روس کے اعلیٰ سطحی وفد کا پاکستان کا دورہ متوقع ۔ ذرائع کے مطابق روسی وفد کل پاکستان کے دورے پر پہنچے گا ، دورے کے دوران پاکستان اور روس کے درمیان تیل اور ایل این جی کی خریداری کے معاملے پر بات چیت ہوگی۔تفصیلات کے مطابق پیٹرولیم ڈویژن کا کہنا ہے کہ پاکستان اورروس کے درمیان 3 روز مذاکرات ہوں گے، دورے کے دوران پاک روس انٹرگورنمنٹل کمیشن کا اجلاس ہوگا۔حکام کا کہنا تھا کہ انٹرگورنمنٹل اجلاس میں پاکستانی وفدکی سربراہی ایاز صادق کریں گے، مذاکرات میں تیل اور ایل این جی کی خریداری کے معاملے پر بات چیت ہوگی۔پیٹرولیم ڈویژن کے حکام نے کہا کہ پاکستان اسٹریم گیس پائپ لائن منصوبے پر بھی بات چیت کی جائے گی ، گورنمنٹ ٹو گورنمنٹ خریداری کیلئے انٹر گورنمنٹل معاہدہ ضروری ہے۔پاورسیکٹر، پن بجلی اور متبادل توانائی کے شعبوں میں تعاون پر بات چیت ہوگی اور تیل وگیس کی پیداوار کے شعبے میں تعاون کے فروغ پر بھی گفتگو کی جائے گی۔
