اسلام آباد(نیوزڈیسک)الیکشن کمیشن نے سینیٹ انتخابات کے لیے ریٹرننگ افسران کی تقرری کا نوٹیفکیشن جاری کر دیا۔
نوٹیفکیشن کے مطابق اسلام آباد کی نشستوں کے لیے ڈی جی ٹریننگ سعید گل کو ریٹرننگ افسر تعینات کیا گیا ہے۔
پنجاب اسمبلی کے لیے الیکشن کمشنر پنجاب اعجاز انور چوہان اور سندھ اسمبلی کے لیے الیکشن کمشنر سندھ شریف اللّٰہ کو ریٹرننگ افسر تعینات کیا گیا ہے۔
مزیدپڑھیں:سابق سینیٹر فیصل واوڈا کی نومنتخب حکومت پر تنقید
نوٹیفکیشن میں کہا گیا ہے کہ بلوچستان اسمبلی کے لیے الیکشن کمشنر بلوچستان محمد فرید آفریدی اور خیبر پختون خوا اسمبلی کے لیے الیکشن کمشنر خیبر پختون خوا شمشاد خان ریٹرننگ افسر ہوں گے۔
الیکشن کمیشن کے مطابق 11 مارچ کو مدت مکمل ہونے پر 52 سینیٹرز ریٹائر ہو جائیں گے۔
