کراچی(نیوزڈیسک)سندھ حکومت نے اعلان ہے کہ صوبے میں تمام نجی اور سرکاری شام کی شفٹ اسکول جمعہ (1 مارچ 2024) کو بند رہیں گے کیونکہ محکمہ موسمیات (پی ایم ڈی) نے پورے خطے میں شدید بارشوں کی پیش گوئی کی ہے۔
سندھ اسکول ایجوکیشن اینڈ لٹریسی ڈپارٹمنٹ کی جانب سے شیئر کیے گئے ایک نوٹیفکیشن میں کہا گیا کہ صوبے میں تمام نجی اور سرکاری شام کی شفٹ اسکول بند رہیں گے۔
صوبائی حکومت کی جانب سے صوبے میں رین ایمرجنسی کے اعلان کے بعد اسکولوں میں تعطیل کا اعلان کیا گیا۔
مزید برآں صوبائی دارالحکومت کراچی میں جمعہ (1 مارچ) کو سرکاری اور نجی دفاتر آدھے دن کے لیے کھلیں گے، کیونکہ سندھ کے نو منتخب وزیر اعلیٰ نے رین ایمرجنسی کا اعلان کیا ہے۔
مزیدپڑھیں:رمضان 2024،اہم تاریخیں ، روزے کےاوقات کارکیاہونگے؟جانئے
ایک مضبوط مغربی لہر پاکستان میں داخل ہوئی ہے اور ملک کے مغربی حصوں کے قریب پہنچ رہی ہے۔
اس موسمی نظام کے زیر اثر سکھر، جیکب آباد، کشمور، لاڑکانہ، دادو، شہید بینظیر آباد کراچی، حیدرآباد، ٹھٹھہ، بدین اور خیرپور میں آندھی/آندھی اور گرج چمک کے ساتھ بارش کا امکان ہے۔
