سری نگر( نیوز ڈیسک ) کل جماعتی حریت کانفرنس (اے پی ایچ سی) نے بھارت کے غیر قانونی طور پر مقبوضہ جموں و کشمیر میں بھارتی
مزید پڑھیں:لاہور ہائی کورٹ نے حکومت کو نجی اسکولوں میں مفت تعلیم کیلئے قوانین بنانے کا حکم دیدیا

فورسز کے ہاتھوں بنیادی حقوق سے محرومی پر تشویش کا اظہار کیا ہے۔کشمیرمیڈیاسروس کے مطابق اے پی ایچ سی کے ترجمان نے سرینگر میں جاری ایک بیان میں کہا کہ علاقے کے لوگ جنگ کے سائے میں جہنم کی زندگی گزار رہے ہیں۔

انہوں نے اظہار رائے کی آزادی کا گلا گھونٹنے، بھارتی فوجیوں، نیم فوجی دستوں، این آئی اے اور ایس آئی اے کی طرف سے من مانی گرفتاریوں اور بھارتی فورسز کے ہاتھوں شہری آزادی سے انکار پر افسوس کا اظہار کیا اور کہا کہ اس علاقے کو 10 لاکھ سے زائد

بھارتی فوجیوں نے گھیرے میں لے رکھا ہے۔ یہ ایک بڑی جہنم کی جیل میں ہے۔ ترجمان نے عوام کی مزاحمتی صلاحیت کا ذکر کرتے ہوئے کہا کہ کشمیر کے بہادر عوام نے عصر حاضر کی سب سے بڑی فوجی موجودگی کے قہر کا سامنا کرتے ہوئے تمام کھلی اور خفیہ سازشوں کو ناکام بنا دیا ہے جس میں نام نہاد کیچ اینڈ کل بھی شامل ہے۔

اور آپریشن آل آؤٹ کشمیر کے لوگوں کی نسل کشی کے ایک حصے کے طور پر شروع کیا گیا۔کشمیر کے آزادی پسند عوام کی بہادری اور حوصلے کو سراہتے ہوئے انہوں نے کہا کہ لوگوں پر ڈھائے جانے والے منظم مظالم سے بھارت کو کچھ حاصل نہیں ہوا

بلکہ بھارتی ناجائز قبضے کے خلاف مزاحمتی تحریک کو تقویت ملی ہے۔ترجمان نے تصدیق کی کہ حق خودارادیت کا جائز مطالبہ اب کشمیری عوام کی آواز بن چکا ہے۔انہوں نے اقوام متحدہ پر زور دیا کہ وہ بھارت کی ریاستی دہشت گردی کا سنجیدگی سے نوٹس لے اور بھارت کی جانب سے میدان جنگ میں تبدیل ہونے والے علاقے میں نسل کشی

اور انسانی حقوق کی خلاف ورزیوں کو روکنے کے لیے مناسب اقدامات کرے۔ترجمان نے مزید کہا کہ تنازعہ کشمیر کو حل کرنا انتہائی ناگزیر ہو گیا ہے جسے ایٹمی فلیش پوائنٹ کہا جاتا ہے جو کہ عالمی امن اور خوشحالی کے لیے سنگین خطرہ ہے۔ کشمیری عوام

نے آزادی کے مقدس مقصد کے لیے بے شمار قربانیاں دی ہیں اور عالمی ادارہ اقوام متحدہ کی قراردادوں کے مطابق تنازعہ کشمیر کے حل کے لیے سنجیدہ اقدام کرے۔