کراچی( نیوز ڈیسک ) کے الیکٹرک اور حب پاور کمپنی لمیٹڈ نے حال ہی میں حب پلانٹ کو تھر کے مقامی کوئلے میں تبدیل کرنے کے بعد سستی بجلی کے مواقع تلاش کرنے کے لیے ایک مفاہمت کی یادداشت (ایم او یو) پر دستخط کیے ہیں،
مزید پڑھیں:رابطے جاری ، مخلوط حکومت کے قیام کے امکانات
یہ کے ای کی طویل المدتی حکمت عملی کے مطابق ہے جس میں مقامی ذرائع سے بجلی کی پیداوار کو اس کے انرجی مکس میں شامل کرنا ہے۔ کمپنی تھر کے کوئلے سے بجلی پیدا کرنے کے منصوبوں کی قابل عملیت کا جائزہ لے رہی ہے،
حب پاور اسٹیشن ایک 1,292 میگاواٹ (ہر ایک 323 میگاواٹ کے چار یونٹ)، بقایا ایندھن کے تیل پر مبنی پلانٹ ہے، جس نے 1997 سے آپریشن کے اعلی معیار کو برقرار رکھا ہے،کے ای کے چیف ایگزیکٹو مونس عبداللہ علوی نے کہا کہ کمپنی ایک مستقبل کی طرف دیکھ رہی ہے
تاکہ درآمد شدہ فوسل فیول پر انحصار کو مقامی ذرائع سے بدل دیا جائے، جس سے پاور ویلیو چین مزید لچکدار ہو گا،حبکو کے سی ای او کامران کمال نے کہا کہ کوئلے میں مجوزہ تبدیلی اہم کردار ادا کرے گی۔
