کراچی ( نیوز ڈیسک ) پاکستان تحریک (پی ٹی آئی) کے سابق رہنما فیصل واوڈا نے عام انتخابات کے نتائج کے حوالے سے کہا ہے کہ توقع یہی تھی کہ آزاد امیدواروں کو برتری ملیگی لیکن آزاد کے کھیل میں جونیجو کے دور کو یاد رکھنا چاہیے اور لولا لنگڑا اقتدار بھی
مزید پڑھیں:تحریک انصاف کے بعد ن لیگ کا بھی حکوت بنانیکا دعویٰ
ن لیگ کا آخری اقتدار ہو گا۔فیصل وائوڈا نے گفتگو کرتے ہوئے کہا کہ کراچی میں سرپرائز ہو گیا ہے، میں جو کہہ رہا ہوں آئندہ 72 گھنٹوں میں سامنے آ جائیگا، اسلام آباد میں ونٹر فیئر کھل چکی ہے، 12 بجے پتا چل جائیگا، توقع یہی تھی کہ آزاد امیدواروں کو برتری ہوگی
، آزاد کے کھیل میں جونیجو کے دور کو یاد رکھنا چاہیے۔انکا کہنا تھا کہ کراچی میں ایم کیو ایم کچھ زیادہ ہی سیٹیں لے رہی ہے، مک گیا شو، گو نواز گو ہو گیا، پی پی آزاد امیدواروں کیساتھ اپوزیشن میں بیٹھے گی تو 6 سے 7 ماہ میں سارا مک جائیگا۔انہوں نے کہا کہ لولا لنگڑا اقتدار بھی ن لیگ کا آخری اقتدار ہو گا،
اس ملک میں مردے کا ووٹ ڈلتا ہے، مردے کے ووٹ پر انسان جیتتا ہے اور اسکا فیصلہ 5 سال بعد آتا ہے، پی ٹی آئی کی اپنی مقبولیت اور پی ڈی ایم حکومت سے نفرت ایک لہر کی بنیاد بنی۔فیصل وائوڈا کا کہنا تھا کہ پی ٹی آئی کی مقبولیت بھی نفرت کی بنیاد پر بنی ہے،
جنہوں نے آئین، قانون اور جمہوریت کا بیڑا اٹھایا ہے، ان سے پوچھتا ہوں جو پنجاب اور خیبرپختونخوا کے اندر الیکشن نہ کروا کر آپ نے اب تک انکی سزا اور جزا کا کیا کیا۔
