لاہور(نیوزڈیسک)نواز شریف اور شہباز شریف قومی اسمبلی کا ووٹ اپنی پارٹی کو نہیں دے سکیں گے،نواز اور شہباز شریف شیر کے بجائے عُقاب پر مُہر لگائیں گے۔سابق وزرائے اعظم نواز شریف اور ان کے چھوٹے بھائی شہباز شریف آٹھ فروری کو انتخابی نشان ‘شیر’ کے بجائے ‘عقاب’ پر مہر لگائیں گے۔
مزید پڑھیں: الیکشن میں چند گھنٹے باقی، ملک بھر میں لاکھوں سکیورٹی اہلکار تعینات
دونوں رہنماؤں کا ووٹ استحکام پاکستان پارٹی (آئی پی پی) کے عون چوہدری کے نام ہوگا۔نواز اور شہباز شریف کا ووٹ این اے 128 لاہور میں رجسٹرڈ ہے۔ اس حلقے سے کوئی مسلم لیگ ن کا کوئی امیدوار قومی اسمبلی کا انتخاب نہیں لڑ رہا ، مسلم لیگ ن نے استحکام پاکستان پارٹی کے امیدوار کی حمایت کا اعلان کر رکھا ہے۔
شہباز بھی شیر پر مہر لگانے سے محروم رہیں گے۔ حمزہ شہباز کا ووٹ بھی این اے 128 میں رجسٹرڈ ہے اور یہ ووٹ بھی عون چوہدری کو جائے گا۔ نواز شریف خود قومی اسمبلی کی نشستوں این اے 15 مانسہرہ، این اے 130 لاہور اور شہباز شریف این اے 123 لاہور، این اے 132 قصور سے انتخاب لڑ رہے ہیں۔
