اسلام آباد(نیوزڈیسک)الیکشن کمیشن آف پاکستان نے 8 فروری کو ہونے والے عام انتخابات کے لیے 7 لاکھ بیلٹ باکس کا انتظام کرلیا ہے ملک بھر میں 2 لاکھ 76 ہزار سے زائد بولنگ بوتھ قائم کئے جارہے ہیں۔
نجی ٹی وی کے مطابق ذرائع کا کہنا تھا کہ ہر پولنگ بوتھ کے لئے 2 بیلٹ باکس فراہم کیے جارہے ہیں، ہر پولنگ بوتھ پر ایک بیلٹ باکس میں قومی اسمبلی اور دوسرے میں صوبائی اسمبلی کے لیے ووٹ ڈالے جا سکیں گے۔
مزیدپڑھیں:عام انتخابات پاکستان میں امریکی شہریوں کو محتاط نقل و حرکت کی ہدایت
دو پولنگ بوتھ پر 5 بیلٹ باکس فراہم کیے جائیں گے جن میں ایک اضافی ریزرو باکس ہوگا، ملک بھر میں ووٹ کاسٹ کرنے کے لیے 5 لاکھ 52 ہزار بیلٹ باکس استعمال ہوں گے۔
الیکشن میں سبز ڈھکنے والا سفید بیلٹ باکس استعمال کیا جائے گا، بیلٹ باکس پر 4 سیل لگائی جائیں گی اور ہر سیل پر الگ نمبر درج ہوگا، ہر بیلٹ باکس پر الیکشن کمیشن کا لوگو پرنٹ ہوگا۔
