اسلام آباد(نیوزڈیسک)مارگلہ ہلز نیشنل پارک میں پاکستان کی سب سے بڑی کیبل کار نے کام شروع کردیا۔ترجمان کا کہنا ہے کہ ہم فخر کے ساتھ اپنی جدید ترین کیبل کاروں کو خصوصی طور پر ڈینو ویلی میں دلکش نظاروں کے ساتھ متعارف کراتے ہیں
،ڈینو ویلی تفریحی پارک میں پاکستان کی سب سے کھڑی کیبل کار کے افتتاح کے ساتھ ہی ایڈونچر کے متلاشیوں کے پاس اسلام آباد میں سیر کرنے کیلئے سنسنی خیز نئی پر کشش سروس ملے گی ۔دلکش مارگلہ پہاڑیوں میں واقع، ڈینو ویلی سیاحوں کو بے مثال بلندیوں سے دارالحکومت کے دلکش نظاروں کا تجربہ کرنے کا ایک منفرد موقع فراہم کرتی ہے۔
یہ اقدام تفریحی پارک کیلئے سنگ میل ثابت ہوگی، اسلام آبادکے تفریحی پیشکشوں میں ایک اور جہت کا اضافہ کرتا ہے۔کیبل کار کی سواری، جو اب عوام کیلئے کھول دی ہے ہر عمر کےافراد اپنی سیاحت کو دوبالا کرسکتے ہیں،جبکہ اس کی ٹکٹ ایک ہزار روپے فی بندہ ہے ۔۔
یہ پیشرفت پاکستان کی بڑھتی ہوئی ایڈونچر ٹورازم انڈسٹری کی نشاندہی کرتی ہے، جو کہ مقامی لوگوں اور سیاحوں دونوں کو پورا کرتی ہے جو ملک کے متنوع مناظر میں یادگار تجربات کے خواہاں ہیں۔
