اسلام آباد(نیوزڈیسک) بجلی کی تقسیم کار کمپنیوں نے سہ ماہی ایڈجسٹمنٹ کی مد میں درخواست نیپرا میں جمع کرادی ۔منظوری کے بعد صارفین پر 81 ارب 50 کروڑ روپے کا مزید بوجھ پڑے گا۔ اکتوبر تا دسمبر سہ ماہی ایڈجسٹمنٹ کے نام پر بجلی قیمت میں اضافے کیلئے نیپرا(نیشنل الیکٹرک پاور ریگولیٹری اتھارٹی) میں درخواست جمع کرادی۔ مذکورہ کمپنیوں نے صارفین سے کیپسٹی چارجز کی مد میں 75 ارب 14 کروڑ روپے اور نقصانات کی مد میں 10 ارب 82 کروڑ روپے وصول کرنے کی درخواست دائرکردی جو کہ 81 ارب 50 کروڑ روپے بنتے ہیں۔نیپرا کی جانب سے درخواست پر 14 فروری کو سماعت کی جائے گی، حکومتی گائیڈ لائنز کے مطابق سہ ماہی ایڈجسٹمنٹ کا اطلاق کے الیکٹرک صارفین پر بھی ہوگا۔