اسلام آباد(نیوزڈیسک)سکیورٹی فورسز اور قانون نافذ کرنیوالے اداروں نے کراچی میں ٹی ٹی پی دہشتگردوں کا بڑا نیٹ ورک بے نقاب کردیا۔ ذرائع کے مطابق سکیورٹی فورسیز کی بڑی کارروائی میں اہم کمانڈرز سمیت 17 دہشتگرد گرفتار ۔ گرفتار دہشتگرد 2007 تا 2014 تک ٹی ٹی پی نیٹ ورک کا حصہ تھے اور سنگین جرائم میں قانون نافذ کرنے والے اداروں کو مطلوب تھے۔ذرائع کے مطابق دہشتگرد کراچی میں دہشتگردانہ کارروائیوں کی منصوبہ بندی کر رہے تھے ، جنہیں انٹیلی جنس ایجنسیز نے کارروائی کرتے ہوئے کراچی سے گرفتار کرلیا۔مذکورہ دہشتگردوں کو افغانستان سے ٹی ٹی پی کی قیادت کی سرپرستی میں منظم کیا گیا تھا۔گرفتار دہشتگرد سوات اور مالاکنڈ میں سیکورٹی فورسز اور این جی اوز ، ٹارگٹ کلنگ اور قانون نافذ کرنیوالے اداروں پر حملوں میں بھی ملوث تھے۔دہشتگردی کا یہ نیٹ ورک بھتہ خوری اور اغواء برائے تاوان کے ذریعے فنڈز اکھٹا کرتا تھا، مدرسے میں خودکش بمباروں کو بھی پناہ دی رکھی تھی جنہیں دہشتگردی کی مختلف سرگرمیوں میں استعمال ہونا تھا۔ بھتہ خوری سے بچائو کیلئے بہترین اقدامات کئے جا رہے ہیں،