لاہور( اے بی این نیوز )پاکستان مسلم لیگ (ن) کے قائد نواز شریف کا معاشی ماہرین کے ساتھ مشاورتی اجلاس منعقد ہوا،اجلاس میں سابق وزیر اعظم اور پاکستان مسلم لیگ (ن) کے صدر شہباز شریف کی بھی شرکت ،ملکی معاشی مسائل کے حل کے لئے اصلاحات اور مختلف تجاویز پر غور کیا گیا،اجلاس میں عوام کو مہنگائی سے نجات دلانے کے معاشی منصوبے کو حتمی شکل دی گئی،شرح ترقی میں اضافے، ٹیکس اصلاحات، بجلی اور گیس کی قیمتوں میں کمی کے نکات طے،زراعت، صنعت ، آئی ٹی کی ترقی کے مراعات پر مبنی پیکج تیار کرلیے گئے ،سالانہ بنیادوں پر روزگار کی فراہمی، نوجوانوں کو ہنرمند بنانے کے لئے پالیسی نکات مرتب کئے گئے،زرعی مقاصد کیلئے خصوصی رعایت پر شمسی توانائی کی فراہمی پیکج میں شامل ہے، گھریلو صارفین کو بجلی کی فراہمی میں بڑی مراعات کا تعین بھی پیکج میں شامل ،تعلیم، صحت اور انفراسٹرکچر کیلئے بڑے منصوبوں کی ترجیحات بھی طے،قومی ترقی کو تیز کرنیوالے اقدامات سے معاشی سرگرمیوں کو مرحلہ وار بڑھانے پر اتفاق ،معاشی منصوبہ مختلف شعبوں کے ماہرین کی تجاویز کی روشنی میں طے کیاگیا،شرح سود میں کمی لانے، بڑی صنعتوں اور برآمدی شعبے کیلئے اصلاحات کے اصول بھی مرتب کر لئے گئے۔
